انا عيوني قطار ودمعي ركاب/كلها تصيح نازل من الاكيك/ضيعني الزمن ضيعت يتيم بسوك/شماطخ بعبايه يكول هاي امي/الساعه لازم توكف بيوم فركاك/ويه غيرك مأريد اصرف وكت/سكف راسي يخر من رحت لليوم/ينكط ذكرياتك ذكره ذكره/انه عيوني جهال وشوفتك عيد/تعال شبيك خل تفرح جهالي/انه جروحي غدت كد انبياء الله/وين الكه محمد حتى يختمهن/يكولون الحلم تفسيره مكلوب/شفتك بالحلم جن انته رايح/وبشر القاتل بالقتل ولو بعد حين/الهي انته الكلته وماعليهه شكال الهي العوز يكتل ماتجي تكتله/انه بعدك عاجر بنص امهات/ وصار موضوع السوالف عل طفل/ احس روحي طفل ماشايل فلوس/وانته منين ماعاين دكاكين/لأن حلوات كل افعالي وياك/مابيهن ملح حقك عفتني/ماحب الدمع لو جف بالعيون/ اخاف انسه البجي ويرتاحن اعيوني/كرياتي البدمي كلهه بيضه/لأن بجفاك دم البيه شايب/كبل سنتين شفتك بالحلم مريت/لحد الأن مافاتح اعيوني/اكل مني غيابك حتى العضام/جا كلي من اموت اشياكل الدود/بصابيعك بقايه اسنين مأكولات/هاي سنيني كتلك عود داريهن/من كد ماصفنتي اطول مرات/على جتافي بنت عش العصافير/رايد احضنلي كبر وابجي عليه/حتى لو يطلع كبر جتال ابوي/جيب اخيوط لاتمسحهه بجفوف/عندي عيون كامن يبجن اجروح/ادور عل دروب البيهه حاجي وياك/بلكت كلمه منك طايحه اسمعهه/شيسد حلك الفراغ العفته بجفاك/شكثر وكلته ناس وبعده جوعان/الشمع لو مايعاشر خيط ماماع/اضن هيج احترك كل ما الاكيك/حسبتك رقم من لمعه البيك/وانه ادري الصفر هم ينطي لمعه/خطيت الشفايف خاف جلمه اطيح/شكثر شايل حجي الملكاك حضرته/ربي موتخلق بشر من التراب/ربي صرت تراب رجعني بشر/مو كلمن يفارك كالو يموت/انته بصفي كاعد وانه ميت/انه احبك منذ اقدم العصور/واشتهيتك من جنت يم الله طين/نفط ودموع الك رشيت الهدوم/فرحني وتعال بعود شخاط/بخاصرتي الزمن سجينه حطله وراح/كلي بشاربك ماريدهه ازنجر/علي مرن مصايب كلهن اثكال/اعتبر نفسك مصيبه ومر عليه/انا جروحي اصبحت مثل البراكين/كلما يهدى واحد ينفجر ثاني/تحركني بقصد ماتدري طبعي بخور/كل ما احترك انرغب بعد اكثر/لأن شفتك رجيج وباب موكد ريح/ماتعبت اديه برجلي سديتك/
